അമിതാഭ് ബച്ചനൊപ്പം പരസ്യത്തിന്റെ ചിത്രീകരണത്തിനായി മഞ്ജു വീണ്ടും ക്യാമറയ്ക്കു മുന്നിലെത്തി.14 വര്‍ഷത്തെ ഇടവേളയ്ക്കു ശേഷമാണ് മഞ്ജുവിന്റേ തിരിച്ചുവരവ്. കല്യാണ്‍ ജ്വല്ലേഴ്സിന്റെ പരസ്യത്തില്‍ സ്വീകരണ മുറിയില്‍ ബച്ചനൊപ്പം ടിവി ആസ്വദിച്ചിരിക്കുന്ന പെണ്‍കുട്ടിയുടെ കഥാപാത്രമാണ് മഞ്ജുവിന്റേത്. ജീന്‍സും ടോപ്പുമണിഞ്ഞ് മോഡേണ്‍ പെണ്‍കുട്ടിയുടേതാണ് വേഷം.അമിതാഭ് ബച്ചനൊപ്പം വീണ്ടും അഭിനയം തുടങ്ങാനായത് ഭാഗ്യമാണെന്നും മഞ്ജു പറഞ്ഞു. കരുതലോടെയുള്ള അദ്ദേഹത്തിന്റെ സാമീപ്യം ആത്മവിശ്വാസമേകിയെന്നും കൂട്ടിച്ചേര്‍ത്തു. സിനിമയിലേക്ക് ഇനി എന്നാണ്് എന്ന ചോദ്യത്തിന് പുഞ്ചിരി മാത്രമായിരുന്നു മറുപടി. പ്രമുഖ പരസ്യചിത്രങ്ങളുടെ സംവിധായകനായ പാലക്കാട് സ്വദേശി വി.എ. ശ്രീകുമാറാണ് മഞ്ജുവും ബച്ചനുമുള്‍പ്പെടുന്ന പരസ്യം അണിയിച്ചൊരുക്കുന്നത്.