വാഷിംഗ്ടണ്: ബിന് ലാദന് ഇന്ത്യയുടെ കാര്യത്തില് തല്പരനായിരുന്നുവെന്ന് അമേരിക്കന് ചാരസംഘടനയായ സി.ഐ.എ(സെന്ട്രല് ഇന്റലിജന്സ് ഏജന്സി) പുറത്തുവിട്ട രേഖകള്. 2011 മേയില് ലാദനെ വധിച്ചശേഷം അബോട്ടബാദിലെ രഹസ്യകേന്ദ്രത്തില് യു.എസ് നേവി സീല് നടത്തിയ പരിശോധനയിലാണ് രേഖകള് പിടിച്ചെടുത്തത്. ലാദന്റെ മകന് ഹംസ ബിന്ലാദന്റെ വിവാഹ വീഡിയോയും ഡയറിക്കുറിപ്പുകളും സീല് പിടിച്ചെടുത്തിരുന്നു. 470,000 അഡീഷണല് ഫയലുകളാണ് സി.ഐ.എ വ്യാഴാഴ്ച പുറത്തുവിട്ടത്.ജമ്മു കശ്മീരിലെ ലഷ്കറെ തോയിബയുടെ ആക്രമണങ്ങളെ കുറിച്ചുള്ള വാര്ത്തകളും 26/11 മുംബൈ ആക്രമണക്കേസിലെ പാകിസ്താനി-അമേരിക്കന് പ്രതി ഡേവിഡ് കോള്മാന് ഹെഡ്ലിയുടെ വിചാരണ നടപടികളും ബിന്ലാദന് കാര്യമായി ശ്രദ്ധിച്ചിരുന്നുവെന്നും സി.ഐ.എ പുറത്തുവിട്ട രേഖകളില് പറയുന്നു.
ലാദന്റെ കമ്പ്യൂട്ടറില് നിന്ന് ഒമര് ഷെയ്ഖിന്റെ പാകിസ്താനി നേതാവ് ഇലയാസ് കശ്മീരിയേയും ഹെഡ്ലിയെയും കുറിച്ച് ദേശീയ മാധ്യമങ്ങള് റിപ്പോര്ട്ടു ചെയ്ത വാര്ത്തകളുടെ പകര്പ്പുകള് ലഭിച്ചിരുന്നു. 2009 നവംബര്19ന് പ്രസിദ്ധീകരിച്ചതാണ് ഈ ലേഖനം. 2010 ഫെബ്രുവരിയില് പ്രസിദ്ധീകരിച്ച 'പാക് സര്ക്കാരിനെ അസ്ഥിരപ്പെടുത്താന് അല് ക്വയ്ദ സഹായം' എന്ന ലേഖനവും കണ്ടെത്തിയിട്ടുണ്ട്.
Comments