കളം@24 എന്ന തന്റെ രണ്ടാമത്തെ ചിത്രവുമായി സംവിധായകൻ രകേഷ് കൃഷ്ണൻ കുരമ്പാല എത്തുന്നു. ബ്ലൂം ഇന്റർനാഷ്ണലിന്റെ ബാനറിൽ വേണു ഗോപാലകൃഷ്ണൻ നിർമ്മിച്ച് രാകേഷ് രചനയും സംവിധാനം നിർവഹിക്കുന്ന പുതിയ ചിത്രത്തിന് നാഗാ എന്ന പേരിട്ടു. കാടിന്റെ പശ്ചാത്തലത്തിൽ നടക്കുന്ന ഒരു ത്രില്ലർ ഡ്രാമയാണ് നാഗ. ചിത്രത്തിന്റെ പ്രധാന അഭിനേതാക്കളുടെ വിവരങ്ങൾ വരും ദിവസങ്ങളിൽ പുറത്തുവിടും.
പന്തളം കുരമ്പാല കാർത്തികയിൽ രാധാകൃഷ്ണക്കുറുപ്പിന്റെയും മുൻ പന്തളം ഗ്രാമപ്പഞ്ചായത്തംഗം രമ ആർ.കുറുപ്പിന്റെയും മകനായ രാകേഷ് കൃഷ്ണനെ ജന്മനാ ബാധിച്ചതാണ് സെറിബ്രൽ പാൾസി. എന്നാൽ തന്റെ നിശ്ചയദാർഢ്യം കൊണ്ട് രോഗത്തെ തോൽപ്പിച്ചാണ് രാകേഷ് ആദ്യ ചിത്രം ഒരുക്കിയത്. മലയാളത്തിലെ മുൻനിര അഭിനേതാക്കൾ നാഗയിൽ വേഷമിടുന്നുണ്ട്. ആദ്യ ചിത്രത്തെ അപേക്ഷിച്ച് വലിയ കാൻവാസിലും ബജറ്റിലുമാണ് നാഗ ചിത്രീകരിക്കുന്നത്.
ബ്ലൂം ഇന്റർനാഷ്ണലിന്റെ മൂന്നാമത്തെ ചിത്രമാണ് നാഗ. അരുൺ ചന്ദ്രേശേഖരനാണ് എക്സികുട്ടീവ് പ്രൊഡ്യൂസർ. ഛായാഗ്രഹണം വിപിൻ.പി.വി, ബിബിൻ അശോകാണ് ചിത്രത്തിന്റെ സംഗീതം നിർവഹിക്കുന്നത്. എഡിറ്റർ- ബിൻജു ബാബു, ഗാനരചന- വിജയലക്ഷ്മി ബാലസുബ്രഹ്മണി, അസോസിയേറ്റ് ഡയറക്ടർ- ഷിബു ഗംഗാധരൻ, പ്രൊഡക്ഷൻ കൺട്രോളർ- എ.ഡി ശ്രീകുമാർ, പ്രൊജക്ട് ഡിസൈനർ- സുജിത്ത്, പ്രൊഡക്ഷൻ മാനേജർ- ബിനു തോമ, പിആർഒ- സതീഷ് എരിയാളത്ത്.
